O TENIS

-O TENIS-

A práctica do tenis  enriquece a  capacidade motora e desenrola o pensamento táctico-estratéxico ó ter que resolver en menos dun segundo situacións cambiantes que se  presentan no exercicio ou no xogo mesmo. O tenis ofrece grandes beneficios físicos e psicolóxicos.

Os xogadores (ou tenistas) golpean a pelota alternativamente cunha raqueta, facéndoa pasar por enriba dunha rede que divide o campo de xogo en dúas metades, de forma que a pelota caia no campo do contrincante. A pelota non debe botar máis dunha vez. Se un xogador non consegue ambas as dúas cousas cun só golpe, o rival gaña o punto. Ao mesmo tempo, hai que tentar que o adversario non consiga devolver facilmente a pelota ata a outra metade do campo correspondente ao seu rival. Vence o que obtén a maior puntuación. Os partidos xóganse en pistas (ou canchas) que poden ser cubertas ou descubertas (ao aire libre), podendo ser de distintos tipos de superficie (de terra batida, céspede...)

Regras do tenis

Hai que ter unha raqueta e unha pelota.

O partido de tenis comeza co saque dun dos xogadores.

O xogador/a ten 2 oportunidades de saque. Se falla a primeira, ten outra oportunidade de entrar a pelota.

Só pode golpear a pelota unha vez por quenda.

O xogo leva unha puntuación inusual: o primeiro punto contabilizarase como 15 puntos, o segundo como 30 puntos e o terceiro como 40 puntos.

O partido gáñase con 2 sets ou con 3 sets.

A pelota só pode botar unha vez antes de ser impactada.

Ningún xogador poderá tocar na disputa do punto a rede, isto considérase punto perdido para o mesmo.

Os xogadores van cambiando de lado de pista ao longo do partido, nos xogos determinados, ao final do primeiro, terceiro e quinto xogo.