Xogos perfectos para ensinarlles aos nen@s para regular as súas emocións.
1. O robot e o boneco de trapo
A que neno non lle gustar imitar a un robot? Con este xogo poderá botar a voar a súa imaxinación converténdose primeiro nun pequeno robot e, máis tarde, nun boneco de trapo. O xogo consiste en que o teu fill@ imite primeiro os movementos ríxidos dun robot, tensando os músculos e falando de forma mecánica, e que logo relaxe os seus músculos ao máximo para personificar a un boneco de trapo. Trátase dun xogo excelente para ensinarlle a relaxarse, á vez que lle axuda a controlar mellor as súas emocións.
2. Son un globo
Para axudar ao teu fill@ a relaxarse, gañar en autocontrol e aprender a regular as súas emocións podes animarlle a que imaxine que é un globo que se infla e desinfla lentamente. A clave radica en que o nen@ respire de forma suave e profunda para que vaia liberando a enerxía contida mentres pon en práctica a técnica. Para que o xogo sexa máis divertido, podes suxerirlle que abra e levante os brazos con cada inspiración e que os baixe cada vez que expire o aire.
3. Imitar á tartaruga
O obxectivo deste xogo é ensinarlle ao nen@ a regular as súas emocións, á vez que estimula a concentración e relaxa as tensións. Trátase de que o pequeno imaxine que é unha tartaruga e que se esconda dentro do seu caparazón, quedándose moi tranquil@ e observando desde dentro todo o que sucede ao seu redor. Entón, podes pedirlle que estando aí dentro comece a respirar lentamente como fan as tartarugas, tomando aire polo nariz e logo, soltándoo suavemente pola boca. É un xogo estupendo que poderá utilizar en calquera circunstancia cando se senta tenso, irritable ou nervioso.
4. A formiga e o león
Trátase dun xogo moi entretido que seguramente lle encantará ao pequen@ e co que poderá aprender a respirar de forma profunda e a gañar en autocontrol. Basta que lle pidas que, primeiro, respire como faría un león, o gran rei da selva, e logo que respire coma se fose unha formiga, un animaliño diminuto que apenas se percibe no chan. A clave radica en que o neno aprenda a regular a súa respiración, unha habilidade moi útil que poderá poñer en práctica cando se senta ansioso.
5. O lobo e os tres porquiños
Trátase dunha das historias infantís máis populares, polo que é probable que o teu fill@ estea encantado de dramatizar a escena na que o lobo tenta derrubar a casa dos tres porquiños. Para comezar, podes pedirlle que sopre sobre obxectos pesados como pode ser un libro fino e ir reducindo paulatinamente o peso, cun balón, un bolígrafo e por último, un obxecto lixeiro como un folio de papel. É un xogo moi divertido que promove un estado de relaxación, á vez que reduce a ansiedade no pequen@ a través da respiración.
6. A chegada da primavera
Con este xogo o nen@ non só alcanzará un estado físico de relaxación senón que tamén aprenderá a xestionar mellor os seus estados afectivos. Para comezar debes explicarlle en que consiste o xogo. Podes dicirlle: “Estamos ao final do inverno e convertíchesche nun bloque de xeo, pero a primavera está ao virar a esquina e aos poucos , iraste derretindo para converterte nunha preciosa planta”. Desta maneira, o nen@ comezará a actuar coma se fose un bloque de xeo, completamente ríxido, e aos poucos irá relaxando os músculos.
