O perseguidor/a trata de pillar ó adversario para intercambiar o papel con el/a, só que neste caso o perseguido ten a opción, no momento en que vai ser pillado, de berrar “ ¡ Stop ! ” e de quedarse absolutamente parado. O perseguidor/a non poderá tocarlle. Pode suceder no transcurso da partida que teñamos varios xogadores/as que estén quedos. Os que quedan ceibes, poderán tocar a algún dos conxelados para liberalos, feito que debe impedir o perseguidor/a. O xogo remata cando todos/as están collidos ou cando pasa demasiado tempo. Podemos aumentar o número de perseguidores/as.
