XOGOS TRADICIONAIS GALEGOS(1)

Desde a infancia os xogos  son unha ferramenta moi poderosa de aprendizaxe. Son un medio imprescindible para a socialización. Tamén é unha maneira de adentrarse e coñecer a vida cultural da sociedade da que formamos parte. Por estes motivos parece importante que se coñezan os xogos populares e tradicionais galegos, fundamentais para coñecer as nosas orixes.
Vou a expoñer algún destes xogos que seguro que xa coñecedes.

                                     

A MARIOLA OU RAIA

A Raia, tamén chamado a Mariola, Tella ou Pedra, é un xogo de brincar ou saltar, onde se traballa a coordinación. É un xogo para xogar o aire libre para o que cómpre debuxar na terra cun pao ou cunha xiz noutra superficie un debuxo con varios cadros e formas. Tamén se precisa dunha pedra ou tella para cumprir co obxectivo do xogo, que será ila levando por todos os cadros. Cada xogador bota a tella ou pedra no primeiro recadro e irá levándoa de recadro en recadro á pata coxa, sen que o pé ou a tella toquen as raias. Cómpre seguir a orde dos cadros e non saltarse ningún. Se algún xogador comete un erro, como pisar unha raia ou apoiar os dous pés, queda eliminado, dando paso a outra persoa. Gañará o primeiro que complete o percorrido coa tella.

                                                     

O PEÓN

O peón, ou buxaina, permite realizar un grande número de xogos distintos. O material necesario e o peón, un xoguete feito de madeira torneada que ten na punta un cravo sobre o que pode xirar. O peón ten moitos máis nomes, dependendo da zoa coma: trompo, pión, peonza, etc. Ademais do peón cómpre unha corda ou piola que se enrolará sobre o corpo do peón e permitiranos facelo xirar ao tirar dela.

Un dos xogos máis sinxelos, aínda que difícil de realizar, consiste en facer bailar o peón maténdoo na man o maior tempo posible. A man fai de base e tírase da corda lateralmente, compensando as oscilacións con pequenos movementos da man. Neste xogo poden participar varios rapaces e rapazas, mirando de ver quen aguanta máis tempo xirando o peón. 



               

       

SALTO A CORDA

Dous xogadores agarran unha corda por cada extremo, para dar voltas á corda. Os demais colócanse en fila para ir pasando a saltar sen perder quenda, unha vez que empeza a saltar o primeiro. Se un non salta cando lle toca, ou tropeza coa corda, se para o xogo e este pasa a "dar a cámbaa". Mentres que un salta, os demais cantan unha canción e segundo como sexa esta, se dá a cámbaa a un ritmo diferente.

                                                                                                                                                                                                                                                       Practicade algún xogo destes se tedes a oportunidade. 
Seguiremos máis adiante con máis xogos tradicionais galegos.